Granmèt se albòm akonplisman an. Pou mwen, sa vle di se albòm kote mwen santi m rive yon lòt nivo - antanke atis epi antanke moun.

Lè ou kite lakay ou, kite peyi ou, kite tout antouraj ou, nan kondisyon sa yo, epi ou ale yon kote ou pa konnen pèsonn, ou pa byenveni, ou pa gen destinasyon, ou pa gen lajan, ou pa gen anyen ditou apa rap sèlman… pou mwen, sa se prèv de tout bagay.

Ant Mwen ak Ou 2 se yon envitasyon pou ou, fan mwen, paske se gras ak lanmou ou pou mizik mwen ki fè m rive la. M envite w vini selebre sa ak mwen; pou nou reviv eksperyans lan ansanm.

N ap refè albòm lan ansanm. Pou m pataje ak ou: tout emosyon yo, tout kòman ak pouki yo, tout dout yo, tout erè yo, tout batay ki te fòme albòm sa.

Mèsi paske ou ap la.

Granmèt se gras ak ou.

Granmèt Album | Granmèt T-Shirt | Granmèt Hoodie